Que é?

O Clúster Audiovisual Galego é unha asociación empresarial sen ánimo de lucro declarada Agrupación de Empresas Innovadoras (AEI) con nivel de excelencia polo Ministerio de Industria y Turismo. O Clúster Audiovisual Galego está integrado por preto de 40 compañías que conforman o sector audiovisual en Galicia e que participan en todos os procesos da cadea de valor da produción audiovisual. Os nosos socios están decididos a aumentar o seu volume de negocio a través de sinerxías para desenvolver proxectos empresariais que convertan a Galicia nun referente da industria audiovisual. Toda a súa actividade baséase na colaboración entre os axentes do sector para xerar valor engadido. Obxectivos:

• Fomentar o I+D+i.
• Aumentar o nivel de internacionalización das empresas.
• Xerar e propiciar sinerxías empresariais entre as nosas compañías.
• Potenciar a competitividade dos nosos produtos.
• Mellorar as vías de financiamento.
• Investir en capital humano.